Ветеринария ва чорвачилик соҳасида давлат бошқаруви тизимини тубдан такомиллаштириш чора-тадбирлари тўғрисидаги Президент Фармони (ПФ-5696, 28.03.2019 й.) қабул қилинди. Бу ҳақида “Ҳуқуқий ахборот” канали маълум қилди.

Маълумки, бугунги кунда мамлакатимизда эпизоотик барқарорликни таъминлаш бўйича тизимли ишлар йўлга қўйилган.   Ҳайвонлар касалликларининг олдини олиш, турли касалликларга қарши мунтазам равишда эмлаш тадбирларини ўтказиш нафақат ҳайвонлар соғлигини сақлаш, балки озиқ-овқат маҳсулотларининг сифатига ҳам жиддий таъсир кўрсатади.   Бу борада мутахассислар томонидан худудларда аҳоли ва чорвачилик фермер хўжаликлари қарамоғидаги барча турдаги ҳайвонларни белгиланган режа асосида эмлаш тадбирлари ўтказиб келинмоқда.

Пойтахтимизда Мустақил Давлатлар Ҳамдўстлигига аъзо мамлакатларнинг ветеринария соҳасидаги ҳамкорлик алоқалари бўйича Хукуматлараро кенгашининг 42-йиғилиши бўлиб ўтди.

Маълумки, бугунги кунда бозорларда парранда ва паррандачилик маҳсулотларига бўлган талаб ортиб бормоқда.   Бу эса парранда маҳсулотлари етиштириш хажмини ошириш, айниқса паррандачиликда туяқушчилик, беданачилик каби тармоқларни янада ривожлантиришни тақозо этади.   Шу боис уй шароитида паррандачилик билан шуғулланиб, тадбиркорлик фаолиятини йўлга қўяётган юртдошларимиз талайгина. Айниқса, паррандачиликнинг беданачилик тармоғини ривожлантиришга ҳам қизиқиш ортиб бормоқда.

Мамлакатимизда чорвачилик соҳасини ривожлантириш, жумладан қорамоллар наслини яхшилаш ишларининг тизимли равишда ташкил этилиши натижасида қорамоллардан зотдор бузоқлар олинмоқда. Хусусан, Наманган вилоятида ҳам аҳоли хонадонлари ва фермер хўжаликларида сигирларни сунъий уруғлантириш ишлари самарали ташкил этиляпти.

Бугунги кунда барча деҳқон бозорларида аҳолига сифатли ва хавфсиз озиқ-овқат маҳсулотлари етказиб бериш бўйича карантин талабларига риоя этган ҳолда зарур чора-тадбирлар амалга оширилмоқда. Ўтган ҳафта мобайнида “Юнусобод” деҳқон бозорида ветеринария мутахассислари томонидан 23246 кг йирик шохли мол гўшти, 30700 кг майда шохли мол гўшти, 10877 кг парранда гўшти, 10152 кг сут ва сут маҳсулотлари, 10428 кг ўсимликка мансуб маҳсулотлар ҳамда 232500 дона тухум ветеринария лабораториялари кўригидан ўтказилди ва истеъмолга яроқлилиги аниқланиб, сотишга рухсат этилди. Шунингдек, текширувлар давомида 17 кг чорвачилик маҳсулотлари, 320 дона тухум, 40 кг сут ва сут маҳсулотлари ҳамда 210 кг ўсимликка мансуб маҳсулотлар истеъмолга яроқсиз деб топилди ва белгиланган тартибда зарарсизлантирилди.